କଟକ
କଟକ ହଜାର ବର୍ଷର ପୁରୁଣା ସହର ଯେତିକି ପୁରୁଣା ସେତିକି ନିଜର| ବାଉନ ବଜାର ତେପନ ଗଳି ବଖାଣି ବସିଲେ ନିଅଣ୍ଟ କାଳି| ନୃପ କେଶରୀଙ୍କ ପରିକଳ୍ପନା ବାଇମୁଣ୍ଡି ପୁଣି କରିଥିଲା ଚିନ୍ତା| ଐତିହ୍ୟ ସଂସ୍କୃତି କଳାର ସହର ରୂପା ତାରକସି ଚାନ୍ଦିର ସହର| କଟକୀ ରାଣୀ ମା କଟକ ଚଣ୍ଡୀ କଟକ ନଗର ମଉଡ ମଣି| ନଅତଳ ପ୍ରାସାଦ ଦୁର୍ଗ ପ୍ରାଚୀର ସାକ୍ଷୀ କଳିଙ୍ଗ ବୀର ପରାକ୍ରମର । କଳିଙ୍ଗ ଇତିହାସର ମୁକ ସାକ୍ଷୀ ଗଡ଼ଖାଇର ହଜିଲା ସ୍ରୋତ ଆଉ ଭଗ୍ନ ବାରବାଟୀ । ମହାନଦୀ ବୁକେ ନାଆଁ ମେଲେଇ ସାଧବ ଯାଉଥିଲା ବଣିଜ କରି । ବିପଣି ବିକେ ପୁଣି ମେଲେଇ ପସରା ସେଇ ନାମେ ଆଜି ଖ୍ୟାତ ବାଲିଯାତ୍ରା । ଭାଇଚାରାର ସହର , ଆପଣା ସହର ସଭିଙ୍କୁ ଆପଣାଏ କରି ନିଜର ନଥାଏ ଭେଦଭାବ ବାଛବିଚାର । ଦଶହରା ବି କଟକିଆର ଇଦ୍ ବି କଟକିଆର କଟକର ସବୁ ପର୍ବ କଟକିଆର । ଏ ସହର ଯାହାକୁ କରିଛି ନିଜର ସହଜେ କି ସେ ତାକୁ କରିପାରେ ପର !
